2014 جىلعى 25 قاراشا, استانا قالاسى
قالدىقتاردى باسقارۋ باعدارلاماسىن ازىرلەۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ 17-بابىنىڭ 29) تارماقشاسىنا سايكەس بۇيىرامىن:
1. قوسا بەرىلىپ وتىرعان قالدىقتاردى باسقارۋ باعدارلاماسىن ازىرلەۋ قاعيدالارى بەكىتىلسىن.
2. قازاقستان رەسپۋبليكاسى ەنەرگەتيكا مينيسترلىگىنىڭ قالدىقتاردى باسقارۋ دەپارتامەنتى قازاقستان رەسپۋبليكاسى زاڭناماسىندا بەلگىلەنگەن تارتىپپەن:
وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن ءوتۋىن;
2) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە ونىڭ رەسمي جاريالاۋعا بۇقارالىق اقپاراتتىق قۇرالدارىنا جانە «ادىلەت» اقپاراتتىق-قۇقىقتىق جۇيەسىنە جولدانۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ۆ.شكولنيك.
قازاقستان رەسپۋبليكاسى ەنەرگەتيكا ءمينيسترىنىڭ 2014 جىلعى 25 قاراشاداعى
№146 بۇيرىعىمەن بەكىتىلگەن
قالدىقتاردى باسقارۋ باعدارلاماسىن ازىرلەۋ قاعيدالارى
1. جالپى ەرەجەلەر
1. وسى قالدىقتاردى باسقارۋ باعدارلاماسىن ازىرلەۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ (بۇدان ءارى – كودەكس) 17-بابىنىڭ 29) تارماقشاسىنا سايكەس ازىرلەنگەن جانە جەكە جانە زاڭدى تۇلعالارعا قالدىقتاردى باسقارۋ باعدارلاماسىن (بۇدان ءارى – باعدارلاما) ازىرلەۋ ءتارتىبىن بەلگىلەيدى.
2. باعدارلامانى ءى جانە II ساناتتى وبەكتىلەرى بار جانە قالدىقتارمەن جۇمىس ىستەۋ بويىنشا قىزمەتتى جۇزەگە اسىراتىن جەكە جانە زاڭدى تۇلعالار ازىرلەيدى.
تابيعات پايدالانۋ وبەكتىلەرىنىڭ ساناتتارى كودەكستىڭ 71-بابىنا سايكەس انىقتالادى.
كودەكستىڭ 288-1-بابىنىڭ 2-تارماعىنا سايكەس قالدىقتاردى كادەگە جاراتۋدى جانە قايتا وڭدەۋدى نەمەسە ولاردىڭ كولەمىن جانە قاۋىپتى قاسيەتتەرىن وزگە دە تاسىلدەرمەن ازايتۋدى جۇزەگە اسىراتىن, سونداي-اق ءوندىرىس جانە تۇتىنۋ قالدىقتارىن ورنالاستىرۋمەن بايلانىستى قىزمەتتى جۇزەگە اسىراتىن تۇلعالار ءۇشىن باعدارلامانى ازىرلەۋ مىندەتتى.
3. وسى قاعيدالاردا مىناداي نەگىزگى ۇعىمدار پايدالانىلادى:
1) قالدىقتاردى باسقارۋ - ءوندىرىس جانە تۇتىنۋ قالدىقتارىمەن جۇمىس ىستەۋ بويىنشا ءىس-شارالاردى جوسپارلاۋ, ىسكە اسىرۋ, مونيتورينگ جانە تالداۋ بويىنشا قىزمەت;
2) ەڭ وزىق قولجەتiمدi تەحنولوگيالار - قورشاعان ورتا ساپاسىنىڭ نىسانالى كورسەتكiشتەرiن قامتاماسىز ەتۋگە دەيiن شارۋاشىلىق قىزمەتتiڭ قورشاعان ورتاعا تەرiس اسەرiنiڭ دەڭگەيiن ازايتۋعا باعىتتالعان, ۇيىمداستىرۋ جانە باسقارۋ شارالارىن قامتاماسىز ەتەتiن, پايدالانىلاتىن جانە جوسپارلاناتىن سالالىق تەحنولوگيالار, تەحنيكا مەن جابدىق;
3) جوسپارلى كەزەڭ - باعدارلاما ازىرلەنگەن كەزەڭ.
4. قالدىقتاردى باسقارۋ باعدارلاماسىندا:
1) وندىرىستىك پروتسەستەردى, ونىڭ ىشىندە از قالدىقتى تەحنولوگيالاردى ەنگىزۋ ەسەبىنەن جەتىلدىرۋ;
2) قالدىقتاردى قايتادان پايدالانۋ نە ولاردى پايدالانۋعا مۇددەلى جەكە جانە زاڭدى تۇلعالارعا بەرۋ;
3) ەڭ وزىق قولجەتىمدى تەحنولوگيالاردى پايدالانا وتىرىپ, قالدىقتاردى قايتا وڭدەۋ ارقىلى قالدىقتاردىڭ كولەمىن بىرتە-بىرتە ازايتۋدى قامتاماسىز ەتۋ بويىنشا كولەمدەرى مەن ولاردى ورىنداۋ مەرزىمدەرى كورسەتىلگەن شارالار كوزدەلەدى.
5. قالدىقتاردى ورنالاستىرۋ ورىندارىن قالپىنا كەلتىرۋدىڭ تەحنولوگيالىق مۇمكىندىگى بولماعان جاعدايدا باعدارلامادا قورشاعان ورتاعا ولاردىڭ زياندى اسەرىن ازايتۋ بويىنشا ءىس-شارالار كوزدەلۋى ءتيىس.
2. باعدارلامانى ازىرلەۋ ءتارتىبى
6. جەكە جانە زاڭدى تۇلعالار باعدارلامانى مىناداي تالاپتارعا سايكەس ازىرلەيدى:
باعدارلاما مىناداي بولىمدەردەن تۇرۋى ءتيىس:
1) كاسىپورىندارداعى قالدىقتاردى باسقارۋدىڭ اعىمداعى جاعدايىن تالداۋ:
پروبلەمالارى بار قالدىقتاردىڭ اعىمداعى جاي-كۇيىنىڭ ساندىق جانە ساپالىق كورسەتكىشتەرى, سوڭعى ءۇش جىلعى ديناميكاداعى قالدىقتاردى باسقارۋ بويىنشا جۇمىستاردىڭ نەگىزگى ناتيجەلەرى;
تۇزىلگەن جانە ورنالاستىرىلعان قالدىقتاردىڭ كولەمى مەن قۇرامى, ولاردى ساقتاۋ, كادەگە جاراتۋ, كومۋ, رەكۋلتيۆاتسيالاۋ نەمەسە جويۋ ادىستەرى تۋرالى مالىمەتتەر;
2) باعدارلامانىڭ ماقساتى قالدىقتاردىڭ كولەمىن جانە (نەمەسە) جيناقتالعان جانە تۇزىلگەن, سونداي-اق جۇمىس ىستەۋ بارىسىنداعى قالدىقتاردىڭ قاۋىپتى قاسيەتتەرىنىڭ دەڭگەيىن بىرتىندەپ ازايتۋعا باعىتتالعان بەلگىلەنگەن كورسەتكىشتەرگە جەتۋ بولىپ تابىلادى.
باعدارلامانىڭ مىندەتى بارىنشا ءتيىمدى جانە ەكونوميكالىق نەگىزدەلگەن ادىستەرمەن, جوسپارلانعان كەزەڭ شەڭبەرىندە قولجەتىمدى جۇمىس كولەمدەرىن (كەزەڭدەرىن) بولجاي وتىرىپ, ماقساتقا قول جەتكىزۋ جولدارىن انىقتاۋ بولىپ تابىلادى.
مىندەتتەر:
كاسىپورىندارعا قالدىقتاردى زالالسىزداندىرۋ, قايتا پايدالانۋ جانە وڭدەۋ بويىنشا الەمدە بار ەڭ وزىق قولجەتىمدى تەحنولوگيالاردى ەنگىزۋدى;
قالدىقتاردى وڭدەۋگە جانە قايتا پايدالانۋعا ينۆەستيتسيالاردى تارتۋدى;
كومۋ پوليگوندارىنا اكەتەتىن قالدىقتار كولەمىن ازايتۋدى;
قالدىقتاردى كومۋ ورىندارىن قالپىنا كەلتىرۋدى, پوليگونداردىڭ قورشاعان ورتاعا كەرى اسەرىن ازايتۋدى ەسكەرە وتىرىپ, تۇزىلەتىن جانە جيناقتالعان قالدىقتاردىڭ كولەمىن ازايتۋعا باعىتتالعان;
3) باعدارلاما كورسەتكىشتەرى - بۇل بەلگىلى ءبىر كەزەڭدەردە ءوندىرىس جانە تۇتىنۋ قالدىقتارىنىڭ قورشاعان ورتاعا كەرى اسەرىن تومەندەتۋگە باعىتتالعان شارالار كەشەنىن ىسكە اسىرۋدان كۇتىلەتىن ناتيجەلەردى انىقتايتىن ساندىق جانە (نەمەسە) ساپالىق ماندەر.
كورسەتكىشتەردى جەكە جانە زاڭدى تۇلعالار بارلىق وندىرىستىك فاكتورلاردى, ەكولوگيالىق تيىمدىلىكتى جانە ەكونوميكالىق ماقساتقا سايكەستىگىن ەسكەرە وتىرىپ, دەربەس انىقتايدى. كورسەتكىشتەر باقىلاناتىن جانە تەكسەرىلەتىن بولىپ تابىلادى, باعدارلامانى ىسكە اسىرۋ كەزەڭدەرى بويىنشا انىقتالادى;
4) ۇيىمداردىڭ ءوز قاراجاتى, تىكەلەي شەتەلدىك جانە وتاندىق ينۆەستيتسيالار, حالىقارالىق قارجىلىق ەكونوميكالىق ۇيىمداردىڭ نەمەسە دونور ەلدەردىڭ گرانتتارى, ەكىنشى دەڭگەيدەگى بانكتەردىڭ كرەديتتەرى جانە قازاقستان رەسپۋبليكاسىنىڭ زاڭناماسىمەن تىيىم سالىنباعان باسقا كوزدەر باعدارلامانى قارجىلاندىرۋ كوزدەرى بولىپ تابىلادى;
5) ءىس-شارالار جوسپارى باعدارلامانىڭ قۇرىلىمدىق بولىگى بولىپ تابىلادى جانە قاجەتتى رەسۋرستاردى, جاۋاپتى ورىنداۋشىلاردى, اياقتالۋ نىسانىن جانە ورىندالۋ مەرزىمدەرىن كورسەتۋمەن باعدارلامانىڭ ماقساتى مەن مىندەتتەرىنە جەتۋگە باعىتتالعان ۇيىمداستىرۋشىلىق, ەكونوميكالىق, عىلىمي-تەحنيكالىق جانە باسقا دا ءىس-شارالار كەشەنى بولىپ تابىلادى.
باعدارلامانى ىسكە اسىرۋ جونىندەگى ءىس-شارالار جوسپارى وسى قاعيدالارعا قوسىمشاعا سايكەس نىسان بويىنشا ازىرلەنەدى.
قالدىقتاردى باسقارۋ باعدارلاماسىن ازىرلەۋ قاعيدالارىنا قوسىمشا
نىسان
قالدىقتاردى باسقارۋ باعدارلاماسىن ىسكە اسىرۋ جونىندەگى ءىس-شارالار جوسپارى (كەزەڭ)
ر/س
№ ءىس-شارالار كورسەتكىش (ساندىق/ساپالىق) اياقتالۋ نىسانى جاۋاپتى ورىنداۋشىلار ورىنداۋ مەرزىمى بولجانعان شىعىستار قارجىلاندىرۋ كوزدەرى
1 2 3 4 5 6 7 8
ەسكەرتپە:
2-باعاندا قالدىقتاردىڭ كولەمىن ازايتۋعا/قاۋىپتى قاسيەتتەرىن تومەندەتۋگە باعىتتالعان ءىس-شارالار, ونىڭ ىشىندە قالدىقتاردى قايتا پايدالانۋ, وڭدەۋ, كادەگە جاراتۋ, كومۋ, زالالسىزداندىرۋ, ورنالاستىرۋ ورىندارىن قالپىنا كەلتىرۋ, قالدىقتاردى پايدالانۋعا مۇددەلى جەكە جانە زاڭدى تۇلعالارعا بەرۋ ارقىلى ولاردى جويۋ, وقشاۋلاۋ سياقتى قالدىقتاردىڭ قورشاعان ورتاعا كەرى اسەرلەرىن قىسقارتۋ تاسىلدەرى كورسەتىلەدى;
3-باعاندا بولجامدالعان ولشەم بىرلىگىندە بەرىلگەن ساندىق نەمەسە ساپالىق كورسەتكىشتەر (قالدىقتاردى ازايتۋدىڭ جانە (نەمەسە) ولاردىڭ قاۋىپتىلىك دەڭگەيىنىڭ فيزيكالىق كولەمدەرى جانە (نەمەسە) %) كورسەتىلەدى;
4-باعاندا ءىس-شارالاردىڭ اياقتالۋ نىسانى كورسەتىلەدى;
5-باعاندا ءاربىر ءىس-شارانى ورىنداۋعا جاۋاپتىلار كورسەتىلەدى;
6-باعاندا ءاربىر ءىس-شارانىڭ ورىندالۋ مەرزىمى كورسەتىلەدى;
7-باعاندا ءاربىر ءىس-شارانى ىسكە اسىرۋ ءۇشىن بولىنەتىن بولجانعان قارجىلاي شىعىستار كولەمى كورسەتىلەدى;
8-باعاندا ءىس-شارالاردىڭ قارجىلاندىرۋ كوزدەرى كورسەتىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 29 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10031 بولىپ ەنگىزىلدى.